بسم الله الرحمن الرحيم
الاول يا جماعه مرحبا بيكم تاني في كرسي الاعتراف بعد غياب طويل
ثانيا
ازيك يا سمسم
انا طبعا هارد علي كل اسئلتك ايه اللي هايمنعني يعني؟؟؟؟؟؟؟؟؟؟؟؟
واليك الرد
1- من وجهة نظري عن الاحترام
انه حاله اجتماعيه يكون عليها اشخاص معينين تربطهم ببعضهم علاقه معينه ان كانت صداقه او اخوه او عمل او او او او............
وفيها بيكون اسلوب متبادل بين الاطراف هو اسلوب كلام او اسلوب ادب حواري او اسلوب حضاري في مناقشاتهم اللي يفرضها عليهم قيمه العلاقه اللي تربطهم ببعض وتفرضها عليهم اخلاق كليهما
ولكن فيه شرط لازم يكون موجود
هو انه يكون احترام متبادل لانه لو مش متبادل هايتقلب لخوف واللي هو العكس تماما من الاحترام
2-الاحترام يعني لي حاجات كتير قوي
اهمها
انه حب
انه صدق
انه وفاء
وثقه
لو مش موجود الحاجات دي في الاحترام عمره ما هايكون احترام ولا ليه اي علاقه بيه لان الاحترام لازم يكون ينطوي علي الحاجات دي ويكونوا مجتمعين علشان يتحقق
دي وجهة نظري
3- اشكال الاحترام من وجهة نظري
ان الاحترام له شكل واحد والشكل ده لو توافر في الاحترام هايكون متحقق تماما بكل وجوهه واهدافه وممكن نقول انهم اشكال تتفق في الهدف منها والمعني الاساسي فيها
الشكل ده هو ان كل واحد في الاطراف اللي بنتكلم عنهم
يعطي للطرف الاخر وضعه وقيمته في اي موقف تواجدوا فيه مع بعض
كل طرف يحترم اي تصرف من الطرف الاخر ويتقبله منه حتي لو غلطاو كان هو شايفه غلط
لكن يعطي لاخوه او زميله او صديقه قيمه ووضع محترم يكون فيه التصرف ده سليم امام الجماعه والناس ويبان منه ان الناس دي بتحترم بعض وتصرفات بعض
4- بصراحه مش عارف معني سؤالك لكن
الاحترام مش كلمه
الاحترام موقف
الاحترام اسلوب
الاحترام مش فرض علي شخص لكن وجوده بيكون من اسلوب اللي عايزه وهو اللي بيفرض احترامه علي الاخرين
والاسباب واضحه للجميع
ياريت يكون اجابتي في معني سؤالك المطلوب
5- ماسمعتش ان كلمه محترم بتكون للاكبر منك سنا دي غير ايام ماكنا عيال صغيره
انا اسف في الكلمه الاول
لكن كانت كلمه بتتقال علشان نحفظ بيها شخصيه ومكانه الاكبر منك سنا وعدم اهانته امام الاخرين حفاظا علي وضعه ايا كان
وكمان علشان تعلمنا الاخلاق والاسلوب من صغرنا
لكن في حاله ما يكون الاكبر منك سنا افتعل مشكله واجبرك علي التطاول بيكون من حقك انك تثأر لكرامتك وتحاول توضيح الموقف والرد بالاسلوب المحترم اللي بيفرضه الحوار بينكم
وكل اناء ينضح بما فيه
6- قالوا اللي اكبر منك بيوم يعرف عنك بسنه
لنفس السبب الاخير اللي قلته
علشان تحترم راي الاخرين لكبر سنهم ولانهم بيكونوا مروا بمواقف اكتر منك ولانهم عندهم خبره اكتر
لكن لو مش عندهم الخبره دي لازم يكون لينا وجود مش هانكون امعيين ومش عارفين حاجه وبنكشي ورا اراء الاخرين مهما كانت تحمل من الصواب او الخطا وده مايمنعش انه اذا اخطا الكبير يمكنك تقويمه بالاسلوب الحضاري العاقل المؤدب اللي بينم عن تربيه واخلاق المقوم واللي بيصحح الخطا ده
7- الغضب
ده شئ باحاول اشيله من قاموس كلماتي وانفعالاتي وتصرفاتي نهائيا علشان مش باحبه ولا ربنا بيحبه ولا سيدنا رسول الله
الغضب موقف
الغضب اسلوب
الغضب اخلاق بتظهر من خلاله
بمعني انك في موقف معين ومن اسلوب شخص غاضب قدامك ممكن تحد ايه هي اخلاقه وايه هو اسلوبه في التعامل مع الاخرين وازاي هو بيفكر
لان لحظه الغضب دي مش بيكون فيها الشخص متحكم في اعصابه ولا تصرفاته
ممكن الاشخاص الموجودين في لحظه الغضب دي انهم يحتووا غضب الشخص اللي معاهم
وممكن يزودوا غضبه لكن مش ممكن نسمي خطأ موجه من شخص لشخص تاني انه غضب الا في حاله توجيه غلطه جامده قوي لا تغتفر من سخص لاخر ......... معايا؟؟؟؟؟؟؟
8- عدم السيطره علي النفس
دي حاجه لا اعتقد انها فيا
لاني الحمد لله باعرف اسيطر علي نفسي كويس قوي وباعرف اتحكم في اسلوبي في مناقشاتي مع الناس كل حسب شخصيته واسلوبه
باحاول اتوافق معاه علشان مايكونش اعلي مني اسلوبا او ادني مني اخلاقا ويسبب لي جرح او مشكله او احراج امام الناس ممكن يكون اسلوب مش كويس لكن المقصود من كلامي اني باعرف اتحكم في نفسي كويس قوي
واللي ناقصه التحكم في النفس ده ناقصه حاجات كتير في شخصيته
ده رايي
9- هههههههههههههههههههههههههههههههههههههههههههههههههههههههههههههه
انا حاليا يا اسلام عضو في نقابه المحامين وماعملتش دبلومه واحده حتي
المعلومه اللي معاك دي ناقصه حته صغننه قوي
ان ده اخر تعديلات علي قانون المحاماه
واللي فيه هاتكون عضويه النقابه بتشترط ان يكون المتقدم حاصل علي ماجيستير في القانون(دبلومتين يعني)
والقانون ده لم يتم تطبيقه وبصراحه مش عارف هايتم تطبيقه امتي ممكن السنه اللي جايه او اللي بعديها
وتعويضا عن الموضوع ده بالنسبه للدفعه دي واللي قبلها
بيكون فيه دراسه في معهد المحاماه لازم ياخدها المحامي قبل تعديله لكارنيه العضويه علشان يكون محامي عامل وده في بعض المناطق زي القاهره والجيزه والقليوبيه والاسكندريه
انا ماليش معهد
ويتم قيدي في الجداول طبقا للقوانين السابقه يعني عادي يعني
معلومه خاطئه يا سمسم
تاكد من مصادرك
....... ملحوظه............. انا جاهز لاي اسئله في اي وقت .........